Home > Uncategorized > Jú, Palleba og Marsanna skilja Makrelin!

Jú, Palleba og Marsanna skilja Makrelin!

20 January, 2012

Skriva hevur Rói Egholm

Fyristilli okkum, um allir føroyingar sluppu á fólkaatkvøðu, um rættin til okkara fiskitilfeingi, og at atkvøðu seðilin sá soleiðis út:

Í samband við, at Landsstýri hevur ætlanir um, at øll fiskivinnu- og aliloyvir skulu seljast á uppboðssølu í fríðari kapping, vilja vit geva tær møguleikan, sjálv at avgera hvat skal henda við tínum parti.

Mett verður, at øll loyvini hava eitt árligt søluvirði áljóðandi 1,5 mia. Kr. Hetta svarar til uml. 30 tús. Kr. Til hvønn av teimum uml. 48 tús føroyingum sum eru búgvandi í Føroyum.

søluvirðið kann broytast nakað frá einum árið til annað, men hetta er eitt nøkurlunda miðal sølu virði.

Tú hevur 3 valmøguleikar:

1. Tín valmøguleiki í hesum ger, at hvør føroyingur, útyvir sína vanligu inntøku, fær 50% av sínum parti, uml. 15 tús kr. Útgoldið skattafrítt hvørt ár restina av lívinum og hin helvtin, uml. 15 tús. Kr. fara í landskassan, til rakstur og menning av samfelagnum.

Hetta merkir, at eitt vanligt húski, við einum foreldrapari og 3 børnum, hvørt ár fáa útgoldið skattafrítt 5 x 15. Tús kr. = 75. Tús. Kr. Og sama upphædd fær landskassin at arbeiða við.

Einlig foreldur við 2 børnum fáa hvørt ár uml. 45 tús kr, og eini pensionista hjún, fáa hvørt ár, uml. 30.tús kr.

Legg til merkis, at allar hesar inntøkur, eru skattafríðar og afturat tínari vanligu inntøku!

Um allir føroyingar taka av hesum tilboðnum, so fær landsbúskapurin í 2012 eitt yvirskot áljóðandi uml. 250 mió. Kr.

2. Tín valmøguleiki í hesum ger, at allur ágóðin av søluni fer til Landskassan, og kunnu Føroyar soleiðis fáa ein sera sterkan landsbúskap, til rakstur og framtíðar menning.

3. Tín valmøguleiki í hesum ger, at tú frásigur tær hesar inntøkur og gevur hesi virðini til Lndsstýrismennirnar í fiskivinnumálum og, fyri aliloyvini, til Landsstýrismannin í vinnumálum at umsita. Teir kunnu síðani útflíggja hesi virðir til útvaldar Føroyingar og útlendingar, uttan nakran kostnað.

Hetta førir so við sær, at tú frásigur tær, tín part av sølu inntøkunum.

Um allir føroyingar velja 3. møguleikan, fara hesar 1,5 mia. Kr. Í millum skins og hold í fiskivinnuni, har ein parturin endar sum skatta krónur av lønum og partafelagsskatti, ein partur fer til virðisminking í einari til tíðir ikki kappingarførari vinnu, og restin fer til virðisøking og endar sum vinningur hjá nøkrum fáum føroyingum og hjá nógvum útlendingum.

Hetta førir eisini við sær, at landsbúskapurin í 2012 fær eitt hall áljóðandi uml. 500 mió kr. Her skulu so tær 9 mió kr. Sum landstýrið, við ørmunum yvir høvdd, eru so fegnir at hava fingið tiltuska sær, frá danska skatt gjaldarinum, mótroknast.

Hugsast skal um, at eingin keypir nakað loyvi á eini uppboðssølu, uttan so at viðkomandi meinar at vinningur kann fást burtur úr keypinum.

Um føroysku fyritøkurnar, sum í dag virka í vinnuni, eru kappingarførar, so vinna tær fríu kappingina á uppboðssøluni.

Verandi fyritøkur, sum ikki klára at keypa síni rættindi til rávøruna, í fríari kapping, eru ikki kappingarførar og eiga tí ikki at verða í vinnuni. Tað er ikki sjálvgivið, at tú ert kappingarførur, bert tí at tú kennir landsstýrismannin, betur enn grannin kennir hann!

Tað passar ikki, at vit vanligu føroyingar, ikki skilja hetta!!


Skriva hevur Rói Egholm

Categories: Uncategorized
%d bloggers like this: